1831. urtean, bilboko industriaurreko lokal batean, Paúl Pomes enpresari frantzesak; pattar, likore eta jarabe lantegi bat sortu zuen. Geroago, Manuel Acha gazte batek agintea hartu zuen eta Amurriora eraman zuen lantegia. 

​

180 urte baino gehiago eta gero, Euskal Autonomia Erkidegoko enpresa urtetsuena eta Europako familia-enpresa zaharrenetariko bat da. Arbasoen pausuak jarraituz, gaur egun ere produktu desberdinak lantzen dituzte bertan. 

 

Gainera, Euskadiko destilategi zaharrenak, 2006.urtetik aurrera enpresaren jatorria ezagutzeko aukera ematen du bisita gidatuen bitartez. Bazatoz?

​

Museoa 4 gune desberdinetan banatzen da.

​

​

ATE BAT DENBORAN ZEHAR

​

Sarrera zeharkatu eta oroitzapen beteriko gela txiki batean zain dago Marta. Orain, gure burua espazioan eta denboran kokatzeko eta sortzailearen historia ezagutzeko momentua da baina, hala ere, ez da erraza hormetan dauden gauzak begiratzeari ustea. Produktuen etiketa zaharrak, publizitate kartelak eta baita txirrindularien jantziak ere ikusi daitezke, 5 urteetan zehar enpresaren Karpy likorea txirrindularitza talde baten irudia baitzen. 

​

Txoko bakoitzak istorio bat gordetzen du eta Martak guztiak dakizki!

​

​​

​

HARITZ AMERIKARREZKO ESTALPEA

​

Alboko gela, 12 eta 15 urteko brandy eta ronak barrika handietan beratzen diren toki hotz bat da, non gerra zibilean Karpy likore famatua lantzen zuten. 

​

Kobrezko makina guztien artean, ezpurutasun garbit​zailea, kortxoak ipintzeko tresna edota oinarekin erabiltzeko grapagailua aurki ditzakezu. Desberdindu ahal izango dituzu? 

​​

​

​

OROITZAPENEN GELA

 

Sarrerako oroigarri kopuruagaz harritu bazara, museoko hirugarren toki hau aho bete hortz utziko zaitu. Akta-liburuak, fotokopiagailu zahar bat, Gorbeiako elektra, familia irudiak, botila mordo bat eta publizitate kartelak espazio honen 4 hormak janzten dituzte. Objetuak ikutzea debekatuta egon arren, Martak gauza bakoitzak ezkutatzen dituen istorioen partaide bihurtzen zaitu. . 

​​

​

​

MUSEOAREN ALTXORRA

​​

Metalezko eskailerak eta mazeratu usain bizi bat, azken geltokira harrera ematen dute: lantegia. Protagonistak? Alanbikeak. 

​

Destilagailuek 175 urte baino gehiago daramate astean 600 litro destilatu ekoizten. Museoa ireki baino lehen, lantegiaren ondoan  familiaren etxea zegoen baina, orain, dokumentazio zentro baten bihurtuko dute. 

​

Baina hemen ez da dena bukatzen! Enpresaren sekretua benetan ezagutu nahi baduzu, bisitaren amaierarte zain egon behar duzu.

​​

Sarreran, bertan, Manuel Acha ohiko edabeak eta laranjazko bermuta bezalako nobedadeak ere dastatzeko aukera izango duzu!

 

Animatu zaitez !

​