Ekainaren 2an, domekan, Amurrioko XXI.Txakolin Eguna antolatuko da. Aurten ekitaldiak Juanito Oiarzabal mendizaleari egingo dio omenaldia txakolina eta arabako produktuen babesa erakusteagatik. Jardunaldian; 2018.eko mahats-bilketako txakolin dastaketak, garrafa lehiaketa edo bertako artisau-produktuen erakusketa eta salmenta ere aurkitu ditzakezu besteak beste.
Festa hau orain dela 21 urte sortu zen eta txakolinaren kanpaina berriak aurkeztea eta Aiaraldeako eskualdearen aldeko ekimenak garatzen dituen pertsonei omenaldiak egitea zuen helburu. Aurtengo urtean Juanito Oiarzabal alpinista, oxigeno gabe “zortzimilakoak” igo dituen munduko 3. mendizalea, izan da ohoreko gonbidatua.
NOIZ OSPATZEN DA?
Normalean, San Isidro (maiatzak 15) egunaren ondorengo domekan ospatzen da baina aurten, ekainaren 2ra arte atzeratu egin da. Ekitaldiaren ordutegia goizeko 11:30etatik arratsaldeko 17:30ra luzatzen da.
NON OSPATZEN DA?
Amurriora heltzeko eta azoka honetaz gozatzeko, RENFE (C-3 Bilbao-Orduña linea) edo autoz egiteko aukerak dituzu. Garraio publikoa erabiliz gero, asteburuetan Bilbotik orduro tren bat irteten da eta geltokia ekitalditik 5 minutura aurkituko duzu. Ibilbidea autoz eginez gero, begira ezazu hurrengo mapa.
Ospakizuna, herriaren erdian kokatutako Juan de Urrutia parkean antolatzen da.
Amurrioko Txakolin egunean ekintza desberdinak burutzen dira, hala ere, txosnetan eskaintzen diren txakolin dastaketak eta pintxoak dira egun honetako jarduera arrakastatsuenak.
2018. urteko azken edizioan, 18.000 kopa eta edalontzietan banandutako 3.000 txakolin botila kontsumitu ziren. Hau, jardunaldiak duen arrakasta eta parte-hartze handiaren beste adibide bat da.
Garrafa lehiaketa bat ere antolatzen da. Garrafa, antzinako ohitura, bertoko “txakolin limoi-edari” berezia prestatzeko balio duen tresna da.
Jardunaldian egiten diren beste aktibitateak
Juan de Urrutia parkean antolatutako artisau-produktuen erakusketa eta salmentak.
ZER EGIN BEHAR DA BERTAKO TXAKOLINA DASTATZEKO?
Alde batetik, aldez aurreko tiketak erosteko aukera izango duzu eta bestetik, halaber, bertan kopa bat eta 10€ko 7 tiket erosi ahalko dituzu.
Erositako tiketak upeltegi bakoitzak dituen txosnetako txakolinagatik aldatzeko erabiltzen dira. Tiket bakoitza 1€ko balioa du eta Arabako jatorri-deitura duten txakolin marka guztiak dastatu ditzakezu:
Señorío de Astobiza
Arabako Txakolina
Agroturismo El Txakoli
Beldio Txakoli
Azsabro
Astomaña Txakolina
Goianea
Txikubin
ZER JAN DEZAKEZU?
Janari txosnetan pintxo eta errazio desberdinak eskaintzen dituzte:
- Euskolabel oilaskoa
- Euskolabel haragiaz egindako hanburgesak
- Euskolabel txerri saiheskia
- Txitxi-burruntzia
- Odolostea
- Arrozak
- Txustarra txanpiñoiak
- Amurrioko txistorra
- Eko Taloko taloak eta talo txikiak
- Gildak
PROGRAMA
11:30. Ohorezko Aurresku dantza eta Txakolin Eguna 2019aren esker ona Udaletxean.
12:00 Txupinazoa eta Juan de Urrutiko parkearen irekiera. Ordu horretatik aurrera, txakolin dastaketak eta pintxoak parkean (Euskolabel oilaskoa, hanburgesak, euskolabel txerri saiheskiak, odolosteak … )
Aiaraldeko VI. Garrafa lehiaketa Arabako txakolinagaz. Orduñako Santa Cecilia taldeko artisau-produktuen erakusketa eta salmenta.
13:00 Garrafen balorazioak epaileen eskutik
13:30 Garrafa lehiaketaren sari ematea
15:30 – 17:30 Erromeria
Info gehiago: Amurrio turismo
