Euskal Herriko herri-kirolek hainbat kirol-diziplina biltzen dituzte, Euskal Herri osoan praktikatzen direnak. Kirol horiek guztiak landa-inguruneko lanak dira, gerora kirol-jarduera bihurtuak: jarduera bakoitzean nor den trebeagoa jakin nahian, pertsonen arteko lehian oinarritutako kirolak dira.

​

Bi hitzetan laburbil daiteke bilakaera hori: “Ezetz egin!”.

​

Hala, adibidez, aizkolaritza egurra eskuratzearren enborrak mozteko jardueratik sortu zen; harri-jasotzea, berriz, eraikuntzarako harri handiak mugitzeko jardueratik…

​

Ohartuko zinenez, herri-kirol guztietarako indar fisiko handia behar da, baita erresistentzia ere. Bai, halaxe da: astakilo samarrak gara, baina zer egingo diogu... ;)

​

Hala ere, kirol hauek parte-hartzaile eta ikusleen apustuek eta erronkek egin dituzte ospetsu. Lehia horietakoren bat zuzenean ikusi nahi izanez gero, hona egutegia.

​

Euskal Herriko ia herri gehienetan egiten dira txapelketak, herriko jaietan edo azoka garrantzitsuren bat dagoenean. Izan zaitez tradizio horren parte eta bizi bertatik bertara kirol hauen inguruan sortzen den giroa.

​

Zorte apur batekin, diru pixka bat ere irabaz dezakezu geroko txakolina eta pintxoa hartzeko, eta, agian, aizkolariren batek aizkora utziko dizu: ikusiko duzu enborrak mozte hori ez dela batere erraza...