​Animaliak gustoko badituzu eta gertutik ikusten gozatzen baduzu, Karrantzako Karpin animali aterpea bisitatzea gomendatzen dizugu. Ez, ez da zoologiko bat ez, baizik eta gure fauna zaindu behar dugula gogorarazten digun esperientzia ahaztezina.

​

EZAGUTU HAIEN HISTORIOA

​

Karpin Abentura laguntza behar duten animalia basatiak jasotzen dituen gunea da. Karpinera heltzen diren animaliek normalean istorio latza daukate atzetik: batzuek istripuren bat jasan dute, beste batzuk abandonatuak izan dira eta badira ere itxi egin behar izan diren baserrietan bizitzen zirenak.

​

Zentro honek animaliak ingurune natural batean eta bertatik bertara ikusteko aukera emateaz gain, gure inguruan dauzkagun animalia eta landareak zaindu behar ditugula kontzientziatzeko eta hezitzeko lan garrantzitsua egiten ari da. Pertsona guztientzat zuzendutako esperientzia da, eta noski, guztiz gomendagarria.

​

IBILBIDEA IRAGANEKO ETA EGUNGO ESPEZIEEN ARTEAN

​

​Karpin Abenturan hiru espazio aurkituko dituzu. Harietan, gaur egungo animaliak ikusteaz gain, gure planetan bizi izan diren dinosaurio eta bestelako espezie batzuk ere ezagutuko dituzu.

​

ANIMALIA

​

Zentro honetan 55 animalia- espezie desberdin baino gehiago babesten dira . Oreinak, katamotzak, orkatzak, saiak, dortokak edo ostrukak aparte, mapatxe edota arantzurdeak ere ikusi ahal izango dituzu.

​

TERRASAURO

​

​Begiak itxi eta imaginatu zaitez dinosaurioen garaiko kanpamentu batean dagoen paleontologo bat zarela. Barneratu zaitez basoan eta deskubritu 

dinosaurioen bizimodua nolakoa zen. Eta…kontuz ibili! Batzuk bizirik daudela dirudite eta…

​

GASTORNISLAND

​

Ba al dakizu zer nolako espezie bizi izan ziren dinosaurioen ostean? Piztien Lorategian dinosaurioen garaian bizirik iraun zuten hegazti eta ugaztun ezezagun eta zertxobait arraroak ezagutu ahal izango dituzu.

​