ITSASLUR 

Itsasoa eta mendiaren artean
1/3

Itsaslur Burdinbide Berdea, Bizkaiko kosta-zatirik mendebaldekoeneko amildegietan zintzilik, ikusgarria da. Cobarondik Campomarrerako antzinako meatze-burdinbidearen ibilbidea bihurtu da estalperik gabeko itsas pasealeku garai eta ibilbide didaktiko.

Kantauriar itsasertzaren ikuspegi zabala atzean, industriaren arkeologia-aztarnek aurreko mendeetako meatze-lanak erakusten dizkigute. Hainbat panelek faunaren eta floraren berri emango digute, hala nola algak biltzeko antzinako moduarena eta, nola ez, behialako burdina-meatzeena.

A AUKERA:

Ibilbideak Pobeñako Arena hondartzako aparkalekuan du hasiera, eta 2,2 km-ko luzera du. Ibilbidea kilometro batez luza daiteke, antzinako trenbidearen ibilbidean barrena, Cobaron auzora arte; eta 3 kilometroz, Piquilloko Burdinbide Berdean barrena, Piquilloko antzinako kargatzeko tokiraino, Ontón auzoan (Castro Urdiales, Kantabria).

Oso luzea ez bada ere, ostertz zabal basatiaren itsas urdinek, inguru menditsua estaltzen duten larre berdeek eta amildegi harritsuetako okreek Bizkaiko ibilbiderik gomendagarrienetakoa bihurtu dute.

B AUKERA:

Mugikortasun urriko pertsonentzat, haur-aulkitxoekin datozenentzat, patinatzaileentzat edota txirrindularientzat bada beste aukera bat, hobea, hasierako eskailera pikoak igo behar izan gabe.

Cobaron da Itsaslur Burdinbide Berdeari ekiteko beste puntua. Ibilbide linealaren kontrako muturrean (mendebaldekoan) Juncosako aparkalekua dago. Bertara iristeko, Cobaron auzotik gora egin behar dugu pista batean.

Muskizko auzo honetako kale nagusitik bide zabal batera pasatuko gara, bitan banatuko dena azken etxeak igarota: eskuinekoa Juncosako aparkalekura eta Itsaslur Burdinbide Berdera doa; ezkerrekoak, ostera, Piquilloko Burdinbide Berdera garamatza.

NOLA IRITSI

POBEÑA

Pobeña Muskizko kostako auzo txiki bat; kokatuta dago Barbadun ibaiaren bokalean, Arena hondartza zabalaren mendebaldeko muturrean.

Pobeñako aparkalekuko amaieran bi mundu ezberdin bezain osagarriak diren sarbideak daude: Arena hondartzarako eta Itsaslur Burdinbide Berderako. Ezkerraldeko eraikinen artean dago Itsaslurrerako bidea.

 

 

PROTAGONISTAK:
montañas vascas

Arrate 26, Madril

Sara 28, Madril

Chus, 30 Logroño

Iker, 30 Logroño

"NATURA ETA MEATZE-IRAGANA; BURDIN ETA GESAL NAHASKETA HARRIGARRIA"

Iker Castillo

INFORMAZIO GEHIAGO

Balmasedako turismo bulegoa

Martín Mendia, 2

Balmaseda (Bizkaia)
T. 946 802 976

 

www.visitenkarterri.com
Bazkal ezazu Zierbenako arrantza-portuan.
IBILBIDE IKUSGARRI
GEHIAGO
ARAMAIO

ARAMAIO

DELIKA

DELIKA

NERBIOIKO PARKE LINEALA

NERBIOIKO PARKE LINEALA

GORBEIAKO GURUTZEA

GORBEIAKO GURUTZEA

MIRON

MIRON

KOLITZA

KOLITZA

BETSAIDE

BETSAIDE

BURDIN HESIA

BURDIN HESIA

OIZ

OIZ

SAIBI GAIN

SAIBI GAIN