Parkea Nerbioi ondoan hedatzen da, eta modurik originalenetako bat da Aiaraldea ezagutzeko. Osteratxoak Laudio eta Amurrio batzen ditu. 8 km-an zehar, askotariko sorpresak topatuko dituzu: historiaz beteriko baserri eta errotak, garai baten garrantzizkoak izan ziren industriak, eta pasealeku ondoan amaitzen diren zuhaitz hostotsuetako basoak.

​

Baina, ibilbide honetan ezer berezirik bada, zalantzarik gabe bertako pasarelak dira, ezinbestekoak direnak hainbat lekutan ibaia zeharkatzeko. Batzuetan, kolore biziko plataforma modernoak zeharkatu beharko dituzu; beste batzuetan, aldiz, zubi erabat tradizionalak gurutzatuko dituzu.

​

Ez kezkatu ibilbidearen zailtasunaz, familia osoak egin ahalko du-eta! Ibaiaren paraleloan doanez, ia gorabeherarik gabeko bidezidorra da, oinez zein bizikletaz egin daitekeena. Gainera, oso ongi seinaleztatua dago; beraz, ez izan galtzeko beldurrik, ia ezinezkoa baita.